{"id":17545,"date":"2024-10-16T14:22:14","date_gmt":"2024-10-16T12:22:14","guid":{"rendered":"https:\/\/vigotecnoloxico.uvigo.es\/?p=17545"},"modified":"2024-10-16T14:22:14","modified_gmt":"2024-10-16T12:22:14","slug":"unha-estancia-de-tres-meses-para-conecer-a-enxenaria-mais-social","status":"publish","type":"post","link":"http:\/\/vigotecnoloxicouvigo.vl27503.dinaserver.com\/gl\/unha-estancia-de-tres-meses-para-conecer-a-enxenaria-mais-social\/","title":{"rendered":"Unha estancia de tres meses para co\u00f1ecer a enxe\u00f1ar\u00eda m\u00e1is social"},"content":{"rendered":"

Imaxe: Martina P\u00e1ramos, no centro, na comunidade de Sartenejal para ver os avances na obra do tanque de auga (Duvi)<\/em><\/p>\n

Unha estancia de tres meses para co\u00f1ecer a enxe\u00f1ar\u00eda m\u00e1is social<\/h2>\n
A estudante da EET Martina P\u00e1ramos participou nun proxecto de coidado ambiental en Honduras<\/h6>\n

A estudante da Escola de Enxe\u00f1ar\u00eda de Telecomunicaci\u00f3n Martina P\u00e1ramos est\u00e1 de regreso en Galicia tras preto de tres meses en Honduras. Al\u00ed desenvolveu unha estad\u00eda de cooperaci\u00f3n grazas ao Programa de voluntariado internacional de Co\u00f1ecemento doutras realidades Enxe\u00f1ar\u00eda sen fronteiras Galicia<\/a> (ESF) e unha bolsa de mobilidade en proxectos de cooperaci\u00f3n da Universidade de Vigo.<\/p>\n

Martina, de volta a casa tras unha chea de experiencias e novas perspectivas vividas, valora moi positivamente a oportunidade que supuxo esta bolsa de cooperaci\u00f3n: \u201cFoi transformador. Experiencias as\u00ed, de estar lonxe de casa, das t\u00faas comodidades, da t\u00faa xente e da t\u00faa rutina, sempre che fan medrar. Tam\u00e9n me permitiu ter tempo e enerx\u00edas para explorar temas que me chaman a atenci\u00f3n, relacionados coa educaci\u00f3n para a cidadan\u00eda global, as relaci\u00f3ns entre norte e sur en canto a extractivismo, uso de poder e demais\u201d, sinala. Desde o punto de vista profesional, afirma que vi\u00f1a tendo na mente a idea de buscar un eido que relacionase a enxe\u00f1ar\u00eda co \u00e1mbito social ou o coidado do medio, idea que viu reforzada tras esta experiencia.<\/p>\n

Un trimestre en San Lorenzo, departamento de Valle<\/strong><\/p>\n

A estad\u00eda de Martina desenvolveuse en San Lorenzo, Valle, onde ESF ten unha oficina e traballa con tres asociaci\u00f3ns locais: o Comit\u00e9 para la defensa y desarrollo de la flora y fauna del golfo de Fonseca<\/a>, a Mancomunidade de Municipios del Sur (Nasmar<\/a>) e a Asociaci\u00f3n hondure\u00f1a de juntas administradoras de sistemas de agua (Ahjasa<\/a>).<\/p>\n

O contacto m\u00e1is directo foi coa primeira das entidades, que centra o seu traballo na acci\u00f3n e concienciaci\u00f3n social para o coidado do medio natural. Al\u00ed aprendeu acompa\u00f1ando ao persoal t\u00e9cnico nas s\u00faas sa\u00eddas, nas que se realizaban reforestaci\u00f3ns, observaci\u00f3n de aves ou toma de mostras de auga para analizar na universidade. Tam\u00e9n tivo traballo en oficina, durante o que escrib\u00eda cr\u00f3nicas da estad\u00eda para a web de ESF e recib\u00eda formaci\u00f3n xunto con outras persoas cooperantes. A un tempo, progresou no seu Traballo de fin de grao, que est\u00e1 centrado en facer melloras na aplicaci\u00f3n m\u00f3bil SIROS, nacida en 2018 para tramitar denuncias medioambientais an\u00f3nimas.<\/p>\n

Para Martina, que est\u00e1 a piques de rematar os estudos de grao, \u00e9 a primeira experiencia no \u00e1mbito da cooperaci\u00f3n, a\u00ednda que \u00e9 socia-voluntaria de Enxe\u00f1ar\u00eda sen Fronteiras Galicia<\/a> desde 2021, polo que escoitara sobre as boas experiencias doutras persoas que pasaron por este mesmo programa. Ademais, escoitara a testemu\u00f1a de varias mulleres hondure\u00f1as que viaxaron a Galicia no marco do programa Mulleres bravas de ESF e Amigas da Terra: “Quedei marabillada con elas e as s\u00faas loitas. Ent\u00f3n non lle din m\u00e1is voltas e, como s\u00f3 me quedaba o TFG e non ti\u00f1a outras responsabilidades, tireime \u00e1 piscina\u201d, relata.<\/p>\n

Unha experiencia que abre a mente<\/strong><\/p>\n

O \u00fanico aspecto negativo \u00e9 o que Martina define como \u201ccultura do piropo normalizada\u201d: salvo que fosen acompa\u00f1adas dalg\u00fan home, os asub\u00edos e comentarios vulgares eran do m\u00e1is habitual e \u201ca iso nunca me acostumarei\u201d, asegura. Ag\u00e1s ese aspecto concreto, o resto da experiencia caracterizouse por atopar \u201cxente marabillosa, hospitalaria e con vontade por axudar no que puidese\u201d disposta a abrir as portas das s\u00faas casas, a compartir \u201c\u00e1 sombra dalgunha \u00e1rbore ou nas cadeiras da s\u00faa casa\u201d froita, comida e frescos. \u201c\u00c9 moi enriquecedor escoitalos falar sobre como funciona o seu pa\u00eds, como ven o norte global, a migraci\u00f3n, as ONG locais ou internacionais…\u201d. Outra cousa que se trouxo de Honduras \u00e9 \u201co ritmo de vida e o xeito de afrontar os contratempos\u201d, recorda.<\/p>\n

Tras pasar en Honduras preto de tres meses, recomenda unha estad\u00eda deste tipo \u201ca calquera persoa con curiosidade polo mundo da cooperaci\u00f3n, sensibilizada co coidado do medio e aberta a co\u00f1ecer diversidade de culturas e territorios.\u201d<\/p>\n

M\u00e1is informaci\u00f3n<\/strong><\/p>\n

Duvi<\/a><\/p>\n

Enxe\u00f1er\u00eda Sen Fronteiras Galicia en Honduras<\/a><\/p>\n

Mulleres bravas<\/a><\/p>\n

Programa de voluntariado internacional de Co\u00f1ecemento doutras realidades ESF<\/p>\n

Programa de voluntariado internacional de Co\u00f1ecemento doutras Realidades (PCR)<\/a><\/p><\/blockquote>\n