{"id":15762,"date":"2023-12-27T13:55:38","date_gmt":"2023-12-27T12:55:38","guid":{"rendered":"http:\/\/vigotecnoloxico.uvigo.es\/?p=15762"},"modified":"2023-12-27T13:56:51","modified_gmt":"2023-12-27T12:56:51","slug":"mais-visibilidade-e-colaboracion-para-as-iniciativas-de-idi-en-galicia","status":"publish","type":"post","link":"http:\/\/vigotecnoloxicouvigo.vl27503.dinaserver.com\/gl\/mais-visibilidade-e-colaboracion-para-as-iniciativas-de-idi-en-galicia\/","title":{"rendered":"M\u00e1is visibilidade e colaboraci\u00f3n para as iniciativas de I+D+i en Galicia"},"content":{"rendered":"

O pasado d\u00eda 14 foi a posta de largo de InnovaRede<\/a>: rede do ecosistema galego de innovaci\u00f3n<\/em>. Tr\u00e1tase dunha plataforma impulsada desde a Axencia Galega de Innovaci\u00f3n (GAIN) e a Xunta de Galicia da que \u00e9 parte a Universidade de Vigo, e, dentro dela, o campus Vigo Tecnol\u00f3xico. No acto que tivo lugar na Cidade da Cultura de Galicia, GAIN e a administraci\u00f3n auton\u00f3mica adiantaron tam\u00e9n os mapas de apoio \u00e1 I+D+i.<\/p>\n

Dentro do campus Vigo Tecnol\u00f3xico destacan as tecnolox\u00edas vinculadas aos sectores industriais, ademais das TIC (tecnolox\u00edas da informaci\u00f3n e comunicaci\u00f3n), enerx\u00eda e aerospacial, neste caso xunto co campus de Ourense. A biotecnolox\u00eda completa a lista de sectores tecnol\u00f3xicos nos que a UVigo ten consolidado a s\u00faa experiencia.<\/p>\n

A Universidade de Vigo conta con tres centros de investigaci\u00f3n acreditados no SUG: ademais do Centro de Investigaci\u00f3n en Tecnolox\u00edas de Telecomunicaci\u00f3n (AttlanTIC), conta co Centro de Investigaci\u00f3n Mari\u00f1a (CIM) e Centro De Investigaci\u00f3ns Biom\u00e9dicas (CINBIO). A universidade do sur de Galicia, con campus en Vigo, Pontevedra e Ourense, tam\u00e9n conta co centro Centro de Investigaci\u00f3n en Tecnolox\u00edas, Enerx\u00eda e Procesos Industriais (CINTEXC) e de centros de apoio \u00e1 investigaci\u00f3n: CACTI, CITI, MTI e ECIMAT.<\/p>\n

\"Detalle<\/p>\n

No acto celebrado no complexo do Gai\u00e1s, a directora da Axencia Galega de Innovaci\u00f3n, Patricia Argerey, salientou que InnovaRede debe dar visibilidade \u00e1s iniciativas I+D+i de Galicia, e fomentar a conexi\u00f3n dos actores que as desenvolven. Pret\u00e9ndese as\u00ed reforzar este ecosistema e seguir medrando mediante a conexi\u00f3n dos centros de co\u00f1ecemento (entre eles, as universidades e os centros tecnol\u00f3xicos) coas necesidades das empresas.<\/p>\n

O portal posto en marcha por GAIN consta dun buscador que presenta a informaci\u00f3n categorizada en tecnolox\u00edas, cadeas de valor, palabras chave e c\u00f3digos UNESCO para cada axente e li\u00f1a de I+D+i. Desde a Axencia Galega de Innovaci\u00f3n dest\u00e1case tam\u00e9n que disp\u00f3n dunha secci\u00f3n privada na que, previa alta, se podo formular calquera demanda tecnol\u00f3xica para a que non se atopase resposta a trav\u00e9s do buscador.<\/p>\n

 <\/p>\n

Mapas de apoios \u00e1 I+D+i<\/strong><\/p>\n

Na mesma xornada, GAIN presentou un adianto dos seus mapas de apoio \u00e1 I+D+i. Estes mapas constit\u00faen unha folla de ruta das vindeiras convocatorias que abrir\u00e1n o seu prazo no inminente 2024, como Bonos de Innovaci\u00f3n, Dese\u00f1aPeme, InnovaPeme ou ConectaPeme. A publicaci\u00f3n destes mapas trata de facilitar a planiticaci\u00f3n das potenciais entidades beneficiarias, entre es que se atopan tam\u00e9n as vencelladas \u00e1 econom\u00eda social. Publ\u00edcase por un lado un mapa espec\u00edfico da Axencia Galega de Innovaci\u00f3n, con breves descrici\u00f3ns de cada unha das axudas, e por outro, un mapa xeral da Xunta de Galicia. Ambos os dous incl\u00faen informaci\u00f3n sobre a tipolox\u00eda de entidade que se poder\u00eda beneficiar das axudas e previsi\u00f3ns de data de publicaci\u00f3n de cada convocatoria por trimestre.<\/p>\n

 <\/p>\n

A Universidade de Vigo e o seu campus Vigo Tecnol\u00f3xico est\u00e1n destinados a xogar o importante rol que lles corresponde para impulsar o desempe\u00f1o do tecido econ\u00f3mico e empresarial galego neste marco de impulso da I+D+i e contribu\u00edr as\u00ed \u00e1 mellora do conxunto da sociedade.<\/p>\n