{"id":11020,"date":"2022-05-12T13:25:35","date_gmt":"2022-05-12T11:25:35","guid":{"rendered":"http:\/\/vigotecnoloxico.uvigo.es\/?p=11020"},"modified":"2022-05-13T08:36:20","modified_gmt":"2022-05-13T06:36:20","slug":"exito-rotundo-nas-duas-xornadas-dos-lpro-days-2022","status":"publish","type":"post","link":"http:\/\/vigotecnoloxicouvigo.vl27503.dinaserver.com\/gl\/exito-rotundo-nas-duas-xornadas-dos-lpro-days-2022\/","title":{"rendered":"\u00c9xito rotundo nas d\u00faas xornadas dos LPRO Days 2022"},"content":{"rendered":"

Os alumnos a piques de obter a s\u00faa titulaci\u00f3n amosan un gran potencial con soluci\u00f3ns TIC para medio ambiente, agro, sa\u00fade, fogar,…<\/h3>\n

O pasado xoves 5 e venres 6 de maio, como cada final de curso, a Escola de Enxe\u00f1ar\u00eda de Telecomunicaci\u00f3n (EET)<\/strong><\/a> celebrou os LPRO Days<\/strong><\/em>, unha feira tecnol\u00f3xica na que o alumnado da materia Laboratorio de Proxectos, do \u00faltimo curso do Grao en Enxe\u00f1ar\u00eda de Tecnolox\u00edas de Telecomunicaci\u00f3n<\/strong>, presentan os seus innovadores traballos. Nesta edici\u00f3n present\u00e1ronse 14 proxectos, realizados por 84 estudantes baixo a coordinaci\u00f3n de 15 docentes e, por primeira vez, ademais de na propia escola, as xornadas celebr\u00e1ronse tam\u00e9n no Museo Verbum de Vigo coa colaboraci\u00f3n do Concello de Vigo.<\/p>\n

Como si se tratase dunha feira tecnol\u00f3xica profesional, cada equipo contou cun expositor propio no que puideron explicar aos asistentes as principais caracter\u00edsticas e innovaci\u00f3ns dos seus proxectos, experimentar cos prototipos ou, simplemente, intercambiar ideas sobre os resultados e experiencias que foron xurdindo ao longo de todo o desenvolvemento do proxecto. Como cada edici\u00f3n, a variedade tem\u00e1tica das propostas foi a gran protagonista e, a\u00ednda que non houbo xurado como tal, outorg\u00e1ronse 500 euros aos cinco proxectos m\u00e1is creativos ou con m\u00e1is viabilidadede de converterse nun producto\/servicio real. Estos cinco premios foron entregados cadanseu por Gradiant<\/a>, Optare Solutions<\/a>, CTAG<\/a>, Imatia<\/a> e Quobis<\/a>.<\/p>\n

O xoves tivo lugar a presentaci\u00f3n dos proxectos na Escola, onde o p\u00fablico destinatario foi a comunidade universitaria, destacando a presenza de docentes e estudantes. O corredor principal da EET encheuse de postos e, en cada un deles, as alumnas e alumnos explicaron a todas as persoas interesadas os detalles dos seus proxectos, m\u00faltiples propostas de I+D+i sobre dom\u00f3tica, realidade virtual, monitorizaci\u00f3n, aplicaci\u00f3ns web\u2026<\/p>\n

O venres o estudantado trasladou os seus prototipos e expositores ao Museo Verbum para celebrar unha xornada na que, pola ma\u00f1\u00e1, cerca de 400 escolares de educaci\u00f3n pre-universitaria de 8 centros educativos (CPR Pluriling\u00fce D. Bosco Salesianas, IES Pedra da auga de Ponteareas, IES Coruxo, IES Rosais II, IES Castelao, IES Alexandre B\u00f3veda, El Castro e CPR Daniel Castelao) puideron ver, experimentar e tocar os prototipos dos diferentes proxectos. E xa pola tarde, abriuse a xornada a empresas e familias.<\/p>\n

Asistencia do alcalde de Vigo na clausura do evento<\/h3>\n

O alcalde de Vigo, Abel Caballero, acudiu para a clausura do evento. Quixo co\u00f1ecer todos os detalles dos proxectos presentados polos alumnos do Grao de Enxe\u00f1ar\u00eda de Tecnolox\u00edas de Telecomunicaci\u00f3n. Adem\u00e1is de Abel Caballero, polo Verbum tam\u00e9n se achegaron a co\u00f1ecer e probar os prototipos Ux\u00eda Blanco, concelleira de Normalizaci\u00f3n Ling\u00fc\u00edstica e Igualdade e Ana Mej\u00edas concelleira de I+D.<\/p>\n

Cinco proxectos premiados polas s\u00faas ideas innovadoras e con gran proxecci\u00f3n<\/h3>\n

A xornada rematou coa entrega de premios e o acto de clausura, no que participaron Mart\u00edn Llamas, director do Centro de Investigaci\u00f3n en Tecnolox\u00edas de Telecomunicaci\u00f3n (atlanTTic)<\/strong><\/a> , Rebeca D\u00edaz Redondo, directora da Escola de Enxe\u00f1ar\u00eda de Telecomunicaci\u00f3n da UVigo<\/a>, Abel Caballero, alcalde de Vigo e Manuel Caeiro Rodr\u00edguez, coordinador do evento.<\/p>\n

Os cinco proxectos premiados foron:<\/p>\n