O próximo mércores 26 de maio a partir das 10:00h terá lugar o derradeiro encontro virtual das II Xornadas AER-UVigo sobre Robótica Industrial, organizadas pola Asociación Española de Robótica e Automatización e a Universidade de Vigo. O peche das xornadas abordará a automatización industrial, cunha mesa redonda moderada por Antía Fernández (Codirectora da Área de Sistemas Intelixentes, GRADIANT).
O encontro, que poderá seguirse a través da UVigoTV, contará coa participación de David Torres (General Manager, BCNVISION), Xavier Segura (General Manager España e Portugal, FESTO), Ángel C. Lázaro (Business Partner Industria, GMV), Daniel Escorza (General Manager, INFRANOR), Eduardo García-Jurado (Director Comercial, MURRELEKTRONIK) e Lluís Martínez (Managing Director, SICK).
