Foron publicadas as datas para as actividades académicas de acollida para o alumnado de primeiro curso que se matricula por primeira vez nun grao da Escola de Enxeñaría Industrial: serán o mércores 4 e o xoves 5 de setembro. Será tanto na sede campus como na sede cidade.

Para asistir a esta xornada é preciso rexistrarse no seguinte formulario antes do 1 de setembro: rexistro actividades de acollida.

A programación detallada destas actividades publicarase en vindeiras datas na web da EEI.

Para que a EEI poida dispoñer de certa información relativa á procedencia do alumnado, que lle permita continuar mellorando no proceso formativo, agradece encher o seguinte formulario: enquisa alumnado novo ingreso.

Proximamente a EEI publicará toda a información relativa ás xornadas de acollida para o alumnado que continúa estudos e de mestrados.