A Unidade da Cultura Científica e da Innovación da UVigo (UCC+i) acaba de publicar un novo vídeo da serie “Que facemos?”, unha aposta pola divulgación científica e tecnolóxica que achega o traballo dos grupos de investigación da UVigo. Nesta ocasión móstrase o traballo de varios grupos de investigación da Universidade de Vigo que estudan aspectos vinculados coa saúde.
Descobre o seu traballo da man dos investigadores dos distintos proxectos en activo:
- Arturo Mojón, investigador do proxecto Hygia (Centro de Investigación en Tecnoloxías de Telecomunicación, atltanTTic)
- Roberto Barcala e Felipe Fernández, investigadores do Grupo REMOSS.
- Diana Valverde Pérez, investigadora responsable do Laboratorio de Enfermidades Raras.
- Víctor Mondelo, investigador do Laboratorio de Informática Aplicada (Lia2).
Diana Valverde, Víctor Mondelo, Ramón Hermida, Roberto Barcala e Felipe Fernández participaron na serie de podcasts ‘Ciencia de Ida e Volta’ con motivo do Día Mundial da Saúde.
Fonte: Unidade da Cultura Científica e da Innovación da UVigo (UCC+i)
